غیر سرکاری تنظیم کی قازق اخبار کی اشاعت پر مسلسل پابندی کی مذمت

نیویارک -- قازقستان کی حکومت کو ہفت روزہ ریسپبلکا کو دوبارہ اشاعت شروع کرنے کی اجازت دینی چاہیے۔ یہ بات 9 مارچ کو نیویارک میں قائم صحافیوں کے تحفظ کی کمیٹی (CPJ) نے کہی۔

یکم مارچ کو الماتی کی ایک ضلعی عدالت نے اپنے فیصلے میں اخبار کی تقسیم پر عائد پابندی کو برقرار رکھا تھا۔ یہ پابندی ایک زیریں عدالت نے اس وقت تک کے لئے لگائی تھی جب تک اخبار بی ٹی اے بینک کو ہرجانے کے طور پر 6 کروڑ قازق ٹینگے (400,000 امریکی ڈالر) نہ ادا کر دے۔ عدالت کے مطابق، 2009 میں ریسپبلکا میں شائع ہونے والے ایک مضمون میں بینک کے بارے میں توہین آمیز مواد شامل تھا۔

صحافیوں کے تحفظ کی کمیٹی نے اپنے بیان میں کہا کہ اخبار کے خلاف سیاسی نوعیت کی قانونی کارروائی یورپ میں سلامتی اور تعاون کی تنظیم کے مشن اور بنیادی اقدار کی خلاف ورزی کرتی ہے۔ قازقستان رواں سال یورپی تنظیم کا صدر ہے۔

ویب سائیٹ پر اخبار کی اشاعت اب بھی جاری ہے۔