مہمند ایجنسی میں اسکولوں اور صحت مرکز پر بم حملے

غلانائی -- ذرائع ابلاغ کی خبروں کے مطابق، 6 اور 7 فروری کو مہمند ایجنسی کی تحصیل صافی میں مشتبہ عسکریت پسندوں نے لڑکوں کا ایک اسکول، ایک صحت مرکز اور ایک قبائلی سردار کا گھر دھماکے سے اڑا دیا۔

بی بی سی اردو کے مطابق، تحصیل صافی کے علاقے چمڑ کنڈ میں قبائلی سردار ملک بشیر کی رہائش گاہ پر بھی حملہ کیا گیا لیکن اس واقعے میں کوئی شخص زخمی نہیں ہوا۔

ایک روز قبل، مشتبہ عسکریت پسندوں نے بنوں میں لڑکیوں کے ایک اسکول کو حملے کا نشانہ بنایا تھا۔

دریں اثناء، روزنامہ جنگ کی خبر میں بتایا گیا کہ 8 فروری کو ضلع اٹک کے گاؤں رنگلی میں نامعلوم افراد نے سی ڈی فروخت کرنے والی دو دکانوں کو دھماکے سے اڑا دیا۔