ایران کا پاکستان سے جند اللہ کی سرگرمیوں کو کنٹرول کرنے کا مطالبہ

لاہور -- 8 فروری کو لاہور میں متعین ایران کے قونصل جنرل سعید خرازی نے کہا کہ ایران نے پاکستان کو شیعہ مخالف عسکریت پسند تنظیم جند اللہ کی سرگرمیوں کے حوالے سے ثبوت فراہم کر دیے ہیں اور اب وہ چاہتا ہے کہ پاکستان اپنی سر زمین سے ایران پر حملے کرنے والے اس گروپ کے اراکین کے خلاف کارروائی کرے۔

یہ بات ایرانی سفارت کار نے لاہور میں ایک اجتماع سے خطاب کرتے ہوئے کہی۔ انہوں نے کہا کہ جند اللہ تنظیم ایرانی شہر زاہدان میں ہونے والے بم دھماکوں میں ملوث ہے۔ روزنامہ جنگ کی خبر کے مطابق، سعید خرازی کا کہنا تھا کہ جند اللہ کی سرگرمیاں دونوں ملکوں میں سے کسی کے بھی مفاد میں نہیں۔