مختلف کمپنیوں کا اتحاد اشک آباد توانائی کے نظام کو جدید بنائے گا

اشک آباد - بلجیم اور فرانس کے اتحاد پر مشتمل ایک کمپنی کے 2 ارب یورو سے زائد مالیت کے ایک منصوبے کے تحت ترکمانستان کے دارالحکومت کو توانائی کی قابل انحصار ترسیل کی فراہمی کو یقینی بنایا جا سکے گا۔ ذرائع ابلاغ کی خبروں کے مطابق، ترکمان صدر گربان گلی بردی مخمیدوف نے منصوبے کی تیاری کا کام مرکزی ٹھیکے دار انیکس پراسس انجنئیرنگ (بلجیم) اور برقیاتی اور تکنیکی آلات کی ترسیل کنندہ اشنائیڈر الیکٹرک (فرانس) کو تفویض کیا ہے۔

ذرائع ابلاغ کے مطابق، مبینہ طور پر 2020 تک تین مراحل میں مکمل ہونے والا یہ منصوبہ "درجنوں نئے ذیلی اسٹیشنوں" کی تعمیر اور "کئی سو کلومیٹر برقی تار" بچھانے پر مشتمل ہو گا۔

دارالحکومت میں بجلی کے سب سے زیادہ استعمال کے اوقات میں کھپت 400 میگا واٹ تک جا پہنچتی ہے جس کے نتیجے میں بجلی کی بار بار بندش کا سامنا کرنا پڑتا ہے۔ اس منصوبے کے انجنئیر ایک مکمل طور پر قابل انحصار بجلی کا نظام فراہم کرنے کی توقع رکھتے ہیں تاکہ اشک آباد کے طویل المیعاد ترقیاتی امکانات میں مدد فراہم کی جا سکے۔