صوبہ سرحد میں دہشت گردی سے متاثرہ خاندانوں کے لئے فنڈ کا قیام

پشاور -- سرحد کی صوبائی حکومت نے دہشت گردی سے متاثرہ خاندانوں کی مدد کے لئے ایک انسٹیٹیوٹ اور ایک ٹرسٹ فنڈ قائم کر دیا ہے۔ یہ بات 5 فروری کو ڈیلی ٹائمز نے اپنی خبر میں بتائی۔

اخبار کی خبر میں بتایا گیا کہ انسٹیٹیوٹ میں شہریوں کے سروے کے ذریعے عسکریت پسندوں کے ساتھ جھڑپوں کے دوران جاں بحق ہونے والوں کی تعداد اور املاک کے نقصانات کا تخمینہ لگایا جائے گا جبکہ متاثرہ خاندانوں کو ایک ٹرسٹ فنڈ کے ذریعے معاوضہ ادا کیا جائے گا۔ اخبار نے مزید بتایا کہ صوبائی حکومت اس ٹرسٹ کے لئے 5 کروڑ روپے (595,238 امریکی ڈالر) فراہم کرے گی جبکہ وفاقی حکومت پہلے ہی اتنی رقم فراہم کر چکی ہے۔