یونیسکو کی فہرست میں ماناس کی رزمیہ نظم کو چین کی ملکیت قرار دینے پر کرغزستان کا احتجاج

قارئین کے تبصرے

• خانوں کی نظر نہ صرف جدید کرغزستان بلکہ اینیسائے، یرخیت، بیکول، قازائل زار اور پورے شیبر پر نظر ہے۔ مناس پڑھیں ۔۔ اصل کہانی اسی میں ہے۔ کرغزوں کے لیے خان خطرناک دشمن ہیں۔ آپ زنگوری، یوغور، تبتی، منچورین وغیرہ کو جانتے ہیں۔ روسیوں کو ہوشیار رہنے اور اپنی امیگریشن پالیسی خانوں کے لیے حوالے سے سخت کرنے کی ضرورت ہے۔ یہ ایسا بم ہیں جو پھٹنے کے قریب ہو۔

  August 24, 2011 @ 06:08:00AM
  Темирбек Усупов

• دنیا بھر میں انتہائی معتبر تصور کیا جانے والا ادارہ یونیسکو کس طرح ماناس کی رزمیہ نظم کو بلا سوچے سمجھے چین کے حوالے کر سکتا ہے؟ بمطابق ضرورت، اس چیز کی تحقیق اور تصدیق ہونی چاہیے۔ یہ کوئی گیت یا کوئی اور تخلیقی فن پارہ نہیں بلکہ کرغیز عوام کی تاریخ، ثقافتی اثاثہ اور روح ہے۔ اس اقدام کے ذریعے یونیسکو نے اس شعبے میں اپنی نااہلی کا اظہار کیا ہے اور اس کی ساکھ کو نقصان پہنچا ہے۔ اس سے یونیسکو پر بدعنوانی کا شبہ بھی کیا جا سکتا ہے۔ یہ کوئی راز کی بات نہیں کہ چین ہمیشہ ہی دوسروں کے خیالات اور تاریخ کو چوری کرتا آیا ہے۔

  May 25, 2011 @ 08:05:00AM
  Aidana

• میں کرغزستان میں رہا ہوں اور مجھے علم ہےکہ ماناس کی رزمیہ نظم کرغیز عوام کے لئے کیا اہمیت رکھتی ہے۔ چین بہت سی چیزوں پر دعویدار ہے۔ میں ایک بشکیر باشندہ ہوں اور ہمارے ہاں بھی یورال باتر نامی ایک رزمیہ داستان ہے اور کسی میں ہمت نہیں کہ وہ ہم سے چھین سکے۔ کیا وہ کھلے عام آپ سے چھیننے کی کوشش کر رہے ہیں؟

  December 21, 2010 @ 09:12:00AM
  Артур

• ماناس صرف کرغزستان اور کرغیز افراد کی ملکیت ہے۔ چین اور کوئی دوسرا ملک ہماری شناخت اور نظریہ نہیں چھین سکتا۔ میں چین کے اس دعوے کی شدید مخالفت کرتا ہوں کہ یہ رزمیہ نظم اس کی ملکیت ہے۔ ان کا اس پر کوئی حق اور ملکیت نہیں ہے۔ مجھے اس کی قطعی پروا نہیں کہ یونیسکو کی اس پر کیا رائے ہے۔ میں صرف یہ کہنا چاہتا ہوں کہ ہم سب اس حقیقت سے باخبر ہیں کہ ماناس ایک عظیم رزمیہ داستان ہے جس میں کرغیز اور وسطی ایشیا کے دیگر افراد کی عکاسی کی گئی ہے۔ مجھے کرغزستان کا باشندہ ہونے اور اس ملک میں رہنے پر فخر ہے اور میں اپنے عوام کے مستقبل کی بہتری کے لئے لڑوں گا۔

  November 26, 2010 @ 05:11:00AM
  Aman

• ماناس کی رزمیہ کہانی ہیرو کی کارا خیتائس کے خلاف جنگ کے گرد گھومتی ہے۔ کرغیز عوام چینی لوگوں کو خیتائی کہتے ہیں لیکن کارا خیتائی دراصل منگولوں کی نسل ہیں جو جرچنوں (مانچو خاندان کے آباؤ اجداد) کی جانب سے اپنی سلطنت کے اندرونی منگولیا میں انضمام کے بعد آج کل کے کرغزستان میں آ بسے تھے۔

  June 17, 2010 @ 02:06:00PM
  Truehistory

• ہم کر بھی کیا سکتے ہیں؟ کیا اس سلسلے میں کسی عرضداشت پر دستخط کرائے جا رہے ہیں؟ کیا ہمیں کسی کو ٹیلی فون کرنا چاہیے؟ ہم کیا کر رہے ہیں؟ میں ایک کرغیز ہوں اور اچھی طرح جانتا ہوں کہ چینی میرے عوام سے ماناس چھین کر مطمئن ہیں۔ میں سنجیدہ ہوں اور کسی بھی سطح تک لڑنے کے لئے تیار ہوں جب تک یہ ہمیں واپس نہیں مل جاتی۔

  April 16, 2010 @ 08:04:00AM
  Asel

• ہم ماناس کے بغیر زندہ کیسے ہیں۔ کرغزستان کے لوگو، اب تو جاگ جاؤ! سونا چھوڑ دو۔ خواب غفلت میں پڑے ہوئے رہنماؤں کی وجہ سے ہم اپنے بیش قیمت اثاثوں سے محروم ہوتے جا رہے ہیں۔ اکائیف نے ماناس کی نصف چوٹی فروخت کر دی تھی اور اب رزمیہ نظم بکائیف کے ضمیر پر بوجھ بن گئی ہے۔ ماناس کے بغیر ہم کرغیز باشندے نہیں کہلا سکتے اور نہ ہی ایک قوم کے طور پر وجود برقرار رکھ سکتے ہیں! ہمارے دشمنوں نے ہمیشہ ہمیں جسمانی لحاظ سے ختم کر دیا لیکن ہماری روح کا کچھ نہ بگاڑ سکے۔ چین ہمارا سب سے بڑا دشمن ہے اور ہماری روح کو ختم کرنے کے درپے ہے۔ ہمیں اپنے قازق اور ازبک بھائیوں سے مدد طلب کرنی چاہیے۔ وہ جانتے ہیں کہ ماناس کی کرغیز باشندوں اور کرغزستان کے لئے کیا اہمیت ہے۔ اور بالآخر روس بھی ہماری حمایت کر سکتا ہے کیونکہ ماناس کی طباعت روس میں ہوئی تھی۔ کرغیز قوم ہمیشہ ماناس کے ساتھ زندہ رہی ہے اور رہے گی۔ ماناس کی روح ہماری مدد کرے گی!

  March 14, 2010 @ 01:03:00AM
  bakytbay

• ماناس کے بغیر کرغیز باشندوں کا وجود ادھورا ہے، ہم ایک قوم کی حیثیت سے محروم ہو تے جا رہے ہیں، آخر حکام اس بات کو کیسے نظر انداز کر سکتے ہیں۔ اس مسئلے کو سرکاری سطح پر حل کرنا چاہیے۔ اگر حکام دیگر معاملات کے باعث اس پر توجہ دینے کے قابل نہیں تو عوام کو اس میں مداخلت کرنی چاہیے۔ ہم ماناس کے جانشین ہیں اور ہمیں مل جل کر کام کرنے کی ضرورت ہے۔

  March 5, 2010 @ 01:03:00AM
  Anonymous

• یہ ایک معلوماتی اور وقتی تقاضوں کو پورا کرنے والا مضمون ہے۔ میں اسے بہترین قرار دیتا ہوں۔ اس معاملے پر لکھنا ضروری ہے تاکہ ہر کسی کو اس بارے میں پتا چلے۔ حقیقت حال یہ ہے کہ چین کے توسط سے تین رزمیہ نظموں ماناس، گیسیریادا اور جانگر کو یونیسکو کے غیر مادی ثقافتی ورثے کی فہرست میں شامل کیا گیا۔ جانگر کالمک باشندوں کی رزمیہ نظم ہے۔ وہ بھی اس پر صدائے احتجاج بلند کر سکتے ہیں۔ لیکن وہ روس کا حصہ ہیں اور انہیں اس طرح کا موقع حاصل نہیں جو کرغزستان کو ہے۔ مجھے امید ہے کہ چین کے اثر و رسوخ اور طاقت کے باوجود یونیسکو کا فیصلہ منصفانہ ہو گا۔ یہ ایک طرح سے ان کے ضمیر کا پیمانہ ہو گا۔

  February 24, 2010 @ 11:02:00PM
  Марат

• یہ ایک انتہائی معلوماتی اور عصری تقاضوں سے ہم آہنگ مضمون ہے۔ یہ چین کی جغرافیائی سیاست پر مبنی پالیسی کا حصہ ہے۔ کیا کرغزستان چین جیسے بڑے ملک کی پالیسیوں کے سامنے ڈٹ کر کھڑا ہو سکتا ہے؟ اس کی اہمیت اس لئے بھی زیادہ ہے کہ دنیا کے لوگ کرغیز باشندوں کی نسبت چینی لوگوں کو زیادہ جانتے ہیں۔ اور کئی سال بعد یہ رزمیہ نظم چین کی ملکیت ہو جائے گی۔ اس وقت کسے پروا ہوگی کہ ماناس چینی رزمیہ نظم ہے یا کرغیزی؟ ہر کرغیز باشندہ واشگاف الفاظ میں چین کے توسط سے اس نظم کو نامزد کرنے کی مخالفت کرتا ہے۔ اگر یونیسکو اس نامزدگی پر نظر ثانی اور اپنے فیصلے میں تبدیلی نہیں لاتی تو حکومت کرغزستان کو یونیسکو اور شنگھائی تعاون تنظیم جیسے اداروں سے دستبردار ہو جانا چاہیے۔ اس پر لڑنا اہم ہے کیونکہ ماناس کے بغیر کرغیز بحیثیت قوم قائم نہیں رہ سکتے۔ اس کی حیثیت ایک رزمیہ نظم سے کہیں زیادہ ہے۔ یہ قومی نظریے کا سوال ہے۔ یہ کرغزستان کا ایک انتہائی بیش قیمت اثاثہ ہے۔

  February 24, 2010 @ 01:02:00AM
  Эля